STAR-i i Serbisë - World Learning's STAR Network

Faqja e parë

Për STAR-in:
Ç'është STAR Network
Qasja e STAR-it
Komiteti Këshilldhënës
Rajonal
Financimi i STAR-it

Programet
Portofoli i programit
Platforma e Poreçit
Raport i konferencës
rajonale
-
Partneritete për ndryshime

Botimet e STAR-it

Kontaktoni me ne

Lidhjet

Për Mësimin botëror
(World Learning)

STAR-i i Serbisë

Koordinatorja e STAR-it në Serbi, Aleksandra Vlladisavljeviq, bisedon për çështje të ndryshme me Lindom Tarr-Whelan, deputeten amerikane në Zyrën e Kombeve të Bashkuara për pozitën e femrës.

Ky program u jep përkrahje të gjerë teknike, aftësim dhe përkrahje financiare iniciativave vendore, të cilat ndërtojnë vetëbesimin dhe kapacitetin e organizatave joqeveritare, sindikatave, partive, mediave dhe femrave afariste për bashkëpunim reciprok në zhvillimin e shkathtësive politike dhe punës rreth çështjeve ndërsektoriale.

Plani i punës rreth çështjeve ekonomike dhe politike femërore dhe fushata për përkrahje.
Plani specifik i punës rreth çështjeve femërore ekonomike dhe politike në Serbi caktohet me procesin e planifikimit, i cili përfshin femrat nga të gjithë sektorët dhe pjesët e Serbisë. Plani i punës do t'i përmbajë strategjitë specifike të të vepruarit për secilin sektor, i cili do të përfshijë debatet politike rreth platformave dhe përmirësimeve, planin e hulumtimit, strategjinë e mediave rreth veprimtarisë së suksesshme, përfaqësimin publik të ndryshimeve ekonomike dhe aftësimin për shkathtësitë e vetëpunësimit, planifikimit afarist dhe marketingut.

Programi politik

Aftësimi për përfaqësim publik dhe për udhëheqëse politike
Prej 1-4 mars të vitit 2001 STAR-i organizoi në Paliq të Vojvodinës, aftësim për përfaqësimin publik për udhëheqëse. U aftësuan 24 femra nga partive politike dhe organizatave joqeveritare, të cilat kanë qenë aktive gjatë fushatës elektorale. Aftësimin e udhëhiqnin aftësuese për përfaqësim publik nga Kroacia, Gordana Stojanoviq dhe Bojana Genov. Soraja Sokoviq, ekperte nga organizata serbe joqeveritare CESID, i aftësonte për procedurën parlamentare dhe për rregullativat kushtetuese dhe ligjore. Me këtë femrat u thelluan në të kuptuarit e sistemit legjislativ serb dhe patën mundësinë për të ushtruar presion dhe pjesëmarrje qytetare.

Aftësimi plotësues do të mbahet pas kthyerjes së studenteve nga Serbia, të cilat diplomuan në programin Programi ndërkombëtar për përfaqësim të ndryshimeve shoqërore (International Policy Advocacy Program), që u mbaj në verën e vitit 2001. STAR-i do të organizojë post-punëtori programore ku do të mendohen strategjitë dhe fazat konkrete të të vepruarit në fushë të përfaqësimit publik.

STAR-i planifikon një punëtori "Hapat e STAR-it" për barazinë e gjinive dhe pjesëmarrjen politike edhe ate për femra dhe meshkuj nga shoqëria qytetare, sindikatat, sektori afarist dhe publik. Me ekipe të përbashkëta të aftësuesëve dhe pjesëmarrje aktive të femrave dhe meshkujve, do të hulumtohet lidhja mes demokratizimit dhe dinamikës së gjinive.

Punëtoria "Hapat e STAR-it" filloi në maj të vitit 2001 dhe u mbajt në kryeqytetet e Serbisë dhe Vojvodinës. Qëllimi i punëtorisë ishte:

ngritja e vetëdijes së femrave për çështjen e gjinive;
fuqizimi i femrave për rol aktiv në sindikata;
rritja e numrit të femrave në vendet udhëheqëse në sindikata;
nxitja e femrave të organizohen në seksione ose forume femërore;
instruktimi i femrave se si mund të shfrytëzojnë diturinë e tyre dhe të angazhohen për të drejtat e tyre;
nxitja e rrjetëzimit të femrave nga sindikatat të ndryshme dhe theksimi i rëndësisë së solidaritetit të femrave të sektorëve të ndryshëm.

Aftësimi i parë i aftësueseve të punëtorisë"Hapat e STAR-it" u mbajt në Lepenski Vir prej 3 deri në 6 maj të vitit 2001. Dhjetë femra nga sindikatat dhe dymbëdhjetë nga partitë politike themeluan pesë ekipe sindikaliste dhe gjashtë ekipe të femrave nga partitë politike, të cilat gjatë verës së vitit 2001, nëpër Serbi, do të mbnin minimum 60 aftësime njëditëshe. "Hapat e STAR-it" shfrytëzon aftësueset e programit "Femrat munden" të Grupit punues për barazinë e gjinive të Paktit të stabilitetit dhe projekteve të tjera.

Programi ekonomik

Hulumtime për pozitën ekonomike dhe politike të femrave në Jugosllavi
STAR Network World Learning-u ndihmoi ekipet e femrave-eksperte vendore të lidhura me Qendrën për sipërmarrësi dhe menaxhment dhe agjencionin për hulumtime SCAN të Novi Sadit në realizimin e hulumtimit të parë të statusit ekonomik dhe politik të femrës në Serbi. Nga 2200 biseda të bëra me femrat nga Serbia dhe Mali i Zi u fituan të dhëna të reja për statusin ekonomik dhe politik të femrave si dhe për dinamikën e pabarazisë së gjinive, të cilat veç janë duke u shfrytëzuar për shpejtësimin konkret të fuqizimit ekonomik dhe politik të femrave.

Konferenca në shkurt të vitit 2001 si vazhdim i Konferencës rajonale të STAR-it, Beograd, 2-4 shkurt të vitit 2001.

Milka Puzigaqa prezanton rezultatet preliminare nga hulumtimet e konferencës së Beogradit, në shkurt të vitit 2001.

STAR-i organizoi konferencën si vazhdim të konferencës së mbajtur në maj të vitit 2001 në Poreç të Kroacisë, për të vlerësuar rezultatet e konferencës, strategjitë e nryshme për Serbinë si hapa realiste për përmirësimin e pozitës së femrave.

Në konferencë u prezantuan rezultatet preliminare nga hulumtimi i ri "Pozita shoqërore ekonomike e femrave në Jugosllavi". Pesëdhjetë pjesëmarrëse përpiluan platformën e përbashkët, si bazë të përfaqësimit të tyre të ardhshëm ndërsektorial publik të ndryshimeve shoqërore dhe të përpjekjeve për qëllim të zhvillimit ekonomik:

Ne, pjesëmarrëset e konferencës për pozitën ekonomike dhe shoqërore të femrave në Jugosllavi përfunduam se si femra jemi një nga grupet më të lëndueshme shoqërore në kuptimin ekonomik dhe shoqëror, veçanërisht duke marrë parasysh procesin e tranzicionit dhe transformimit ekonomik në Serbi dhe Mal t ë Zi. Prandaj pretendojmë për përmirësim urgjent të pozitës së femrave në tregun e punës, në sektorin afarist dhe në politikë me anë të hapave vijues:

Krijimit të mekanizmave institucionalë me përgjegjësi për barazinë e gjinive;
Revizionit dhe zbatimit konsekuent të ligjeve;
Qëndrueshmërisë në të menduarit dhe në realizimin e planeve të drejta strategjike ekonomike shtetërore, ku përfshihen femrat;
Arritshmëri së zhvillimit profesional dhe/ose rikualifikimit;
Arsimimit të femrave për sipërmarrësi dhe veprim publik; dhe
Kredive për sipërmarrëset dhe krijimit të fondeve si garancë e kredive të tilla.

Vendosëm për mënyrën e përbashkët të punës, si dhe për veprimtarinë konkrete me të cilën do t'i arrijmë qëllimet.

Rezultati më i rëndësishëm i konferencës ishte themelimi i gjashtë grupeve punuese, të cilat do t'i hartojnë strategjitë për zgjidhjen e problemeve të definuara në lidhje me pozitën ekonomike dhe shoqërore të femrave: (1) grupi për lobim; (2) grupi sindikal; (3) grupi për aftësim për sipërmarrësi dhe konsultime; (4) grupi për ente mikrofinanciare; (5) grupi për fushata, gra dhe mediume dhe (6) grupi për analizë dhe revizion të politikës shoqërore.

Aftësim për përfaqësim publik të femrave-eksperte për çështje ekonomike.

Aftësueset Bojana Genov dhe Gordana Stojanoviq nga Kroacia në aftësimin e bërë në Paliq, në shkurt të vitit 2001.

Në shkurt të vitit 2001 aftësueset për përfaqësim publik dhe aktivistet nga Kroacia, Gordana Stojanoviq dhe Bojana Genov, mbajtën trajning intenziv për mjeshtëritë e përfaqësimit publik si përkrahje të fushatave të suksesshme të grave-eksperte të ekonomisë nga Serbia. Elementet e aftësimit i përfshinin: vlerësimin e nevojës dhe definicionit të qëllimeve, zhvillimin e strategjisë, lobimin e suksesshëm, SWOT analizën, metodat e mbledhjes së të dhënave, organizimin e fushatave, përmirësimin e punës ekipore dhe rëndësinë e mediave dhe të vlerësimit.

Pjesëmarrëset në aftësimin për përfaqësim publik bisedojnë në grupe të vogla për hapat e ardhshëm në Paliq, në shkurt të vitit 2001.

Femrat-eksperte nga CESID-i, Marijana Pajvançiq dhe Soraja Sokoviq, përgatitën material për procedurat parlamentare, për dispozitat kushtetuese dhe ligjore, të cilat mund t'u ndihmojnë përfaqësueseve për ta kuptuar më mirë sistemin legjislativ të Jugosllavisë dhe të Serbisë.

Aftësimi ndërkombëtar për femrat nga Serbia për përfaqësimin publik të ndryshimeve shoqërore
Pjesëmarrja e katër politikaneve dhe aktivisteve qytetare nga Serbia në Aftësimin ndërkombëtar për përfaqësim publik të ndryshimeve shoqërore në maj të vitit 2001 dhe aftësimi i tyre praktik në vend, do ta dyfishojë numrin e femrave në Serbi me mjeshtëri të zhvilluara dhe do t`i bëjë aktive në stërvitjen e përfaqësimit publik të ndryshimeve shoqërore.

Programi i përkrahjeve të vogla financiare për veprimtari ndërsektoriale
Programi për përkrahje të vogla financiare e financon në mënyrë direkte zbatimin e planit të punës në fushën e çështjeve ekonomike dhe politike të femrave. Është i nevojshëm për përkrahje të grupeve më margjinale dhe më të izoluara dhe shërben për sigurim të financave nga burime të tjera. Zyra e STAR-it në Serbi jep përkrahje teknike çdo të martë. Gjatë katër muajve të parë të programit, STAR-i ndihmoi mbi 50 iniciativa femërore. Në prill të vitit 2001 u aprovuan dy përkrahjet e para të vogla financiare, ndërsa 10 të tjera, u shqyrtuan.

World Learning

World Learning International Development Programs

1015 15th Street, NW, Suite 750, Washington, DC 20005 USA
Phone: (202) 408-5420 Fax: (202) 408-5397 Email: star@worldlearning.org